गुरुमंत्र - आयटी स्किल्स फॉर स्मार्ट टिचिंग हा डिस्ट्रिक्ट ३१३१ आयोजित उपक्रम १० ते १५ ऑगस्ट २०२० या कालावधीत पार पडला. या उपक्रमात प्रामुख्याने शिक्षकांना व इतरांनासुद्धा शिकवताना उपयुक्त ठरणारी पंधरा महत्त्वाची आयटी कौशल्ये व्हिडिओच्या माध्यमातून शिकवण्यात आली. (उदा. साउंड रेकॉर्डरचा वापर... इत्यादी) यासाठी प्रत्येक क्लबचे दोन व्हॉट्सअ‍ॅप समूह तयार करण्यात आले होते.

झूम मिटिंगऐवजी व्हिडिओ असल्यामुळे प्रत्येक सहभागीला आपल्या सोयीच्या वेळात रोज तीन व्हिडिओ बघून कौशल्ये आत्मसात करण्याची संधी मिळाली. पहिल्या दिवसाच्या व्हिडिओवर आधरित काही प्रश्न दुसर्‍या दिवशी विचारले जात होते आणि तिसर्‍या दिवशी त्यांची उत्तरे पाठवली जात होती... त्यामुळे सहभागींना आपल्याला कौशल्य व्यवस्थित प्राप्त झाले आहे का हे तपासता येणे शक्य झाले.

या अभ्यासक्रमाच्या शेवटी एक ऑनलाईन परीक्षा घेण्यात आली. किमान ४०% गुण प्राप्त केलेल्या सहभागींना इ-प्रमाणपत्र देऊन गौरवण्यात आले.

आपल्या सर्व सभासदांनी आणि विशेषतः रो. पी. पी. सुधांशू गोरे सर यांनी या उपक्रमाच्या माहितीचा प्रसार केल्यामुळे आपल्या दोन्ही गटांमध्ये मिळून महाराष्ट्रभरातून सुमारे तीनशे ऐंशी शिक्षक आणि शिक्षकेतर मंडळी उत्साहाने सहभागी झाली. यामध्ये आपल्या सभासदांचा विशेषतः अ‍ॅन्सचा सहभाग लक्षणीय होता. यातल्या बहुसंख्य सहभागींनी परीक्षा उत्तीर्ण करून प्रमाणपत्र मिळवले. 

हा उपक्रम अतिशय लाभदायी ठरला असल्याबाबतचे उत्तम अभिप्राय या सहभागींकडून आले आहेत. हे व्हॉट्सअ‍ॅप समूह अजून अस्तित्वात असून यापुढे त्यांच्यासाठी असेच आणखी शैक्षणिक उपक्रम राबवण्यात येणार आहेत.

या उपक्रमाद्वारे रोटरीबद्दल बर्‍याच मंडळींना महिती मिळू शकली हा एक महत्वाचा पी-आर लाभ झाला. या उपक्रमात आपल्याला मौलिक मार्गदर्शन केल्याबद्दल डिस्ट्रिक्ट टीमच्या रो. पी. पी. शामला जोशी यांचे मनःपूर्वक आभार.